Abuso di mucha ta un problema complica cu no tin solocion facil y pronto. Den e test aki e contestanan no tur ora ta completo. Scohe cada biaha e mihor contesta.
1) Kico abuso di mucha ta encera?
a) Abuso di mucha ta un manera di trata un mucha pa haci’e daño sexual, emocional y/of fisico.
b) Abuso di mucha ta encera daño fisico so.
c) Abuso di mucha ta encera abusa sexualmente di un mucha cu consecuencianan traumatico serio.
2) Ki forma di abuso di mucha tin?
a) Violacion, dal, humiyacion, laga pasa hamber, no duna atencion, no duna amor.
b) Duna un klap, duna un sota, haci daño fisico, asesinato.
c) Abuso sexual, abuso emocional, abuso fisico, negligencia.
3) Ki posibel consecuencia abuso di mucha por tin?
a) Falta di confianza propio y problemanan mental manera depresion.
b) Comportacion agresivo, criminalidad y drogadiccion.
c) Daño fisico, comportacion problematico y problemanan mental.
4) Pakico ta abusa di mucha?
a) Pasobra algun adulto ta sinti satisfaccion ora di haci mal uso di nan poder riba mucha.
b) Pasobra adulto cu ta abusa no sa con pa anda cu mucha y p’esey no ta capaz pa lantanan.
c) Pasobra ora cierto adulto duna straf, esaki ta sali for di man.
5) Abuso sexual ta pasa mas biaha cu mucha muher.
a) Si, pasobra mayoria biaha e abusador ta un hende homber.
b) Si, pero abuso di mucha homber tambe ta pasa hopi.
c) No, ta abusa sexualmente di mucha homber mes hopi cu mucha muher.
6) Abuso di mucha ta pasa den tur clase social?
a) No, solamente den e clase abao, unda tin hopi pobreza y poco abilidad social.
b) Si, pasobra problema den famia tin den tur clase social.
c) No, solamente den famia cu hopi biaha ta biba isola.
7) Un mucha abusa ta bay busca ayudo riba su mes?
a) E mucha no por esaki, p’esey ta abusa di dje.
b) mucha ta fiel na su mayornan y no kier traiciona nan.
c) Poco mucha ta durf di haci esaki.
8) Por preveni cu un mayor ta abusa di su yiu?
a) No, semper por tin situacionnan cu ta conduci na abuso di mucha.
b) Si, pero un mayor mester haya sosten continuo con pa lanta mucha.
c) No, abuso di mucha ta pasa di generacion pa generacion.
9) Kico un abusador por haci pa stop e abuso?
a) Busca ayudo profesional intensivo, por ehempel cerca un trahador social of sicologo.
b) Busca algo otro pa baha stress, por ehempel practica deporte.
c) Priminti e victima y su mes cu e lo no haci’e mas.
10) Kico un persona adulto por haci pa un victima di abuso?
a) Confronta e abusador cu su actonan baho y daniño.
b) Recomend’e ayudo profesional intensivo.
c) Scucha su experiencia y mustr’e comprension pa su sentimento.
Quiz script provided by
JavaScriptKit.com