Monica a tuma e curashi pa actua. Hopi bon!

 

Nunca ta laat pa busca ayudo!

Danki Dios mi a tuma e curashi pa confia mi juffrouw. Mi kier bisa tur hoben cu ta pasa den e mesun situacion aki: haci algo AWOR prome cu e bay mas leu.”

Ora Monica scucha esaki e ta dicidi di bay conta su mama tur cos.

 

 

 

 

 

 

 

Ta Diaranzon, Monica ta sinta den su camber ta scucha radio. E locutor ta entrevista un mucha muher cu nan a abusa sexualmente. E mucha muher ta conta: “Mi padrastro semper tabata mishi na partinan intimo di mi curpa, te cu riba un dia a yega asina leu cu el a abusa di mi.

 

 

 

 

 

Mi mes a lague yega asina leu, ta mi mesun falta. Mi no ta durf di bisa niun hende pasobra nan no ta bay keremi toch. Mo Pablo, conoci como un hende recto y cu henter famia ta stima, nan lo ker’e sigur! Monica ta pensa.

“Monica lanta riba”, juffrouw ta grita den clas. “Semper bo ta sinta soña, ki pasabo? Bo tin un par di siman caba asina! Bo no ta ni pone atencion mas den les!”

 

 

 

 

 

Mo Pablo ta ripara reaccion di Monica y ta bis’e: “No conta niun hende, pasobra mi ta bisa nan cu abo ta gaña. Sigur nan lo keremi mas liher cu bo.”

Casi tur dia mo Pablo ta mishi Monica na su curpa unda e no kier. Monica ta sinti su mes sushi y teroriza. E no sa kico pa haci.

 

 

 

 

 

Ora Monica caba di bisti e ta bay sinta na mesa pa come. Mo Pablo ta para su tras y cuminza carici’e. Monica no ta gusta esaki. Mo Pablo ta yega asina leu cu e ta cuminza caricia Monica na su pecho. Curpa di Monica ta coy ril y e ta pensa: Ki falta mo Pablo, kico e kier…..?!

 

 

 

 

 

 

 

 

Awe atrobe mo Pablo ta drenta.

“Mo Pablo, mi ta baña, warda un rato!” Monica ta bisa.

“Ay mucha mi ta bo famia, ta ki co’i kens esaki ta?” mo Pablo ta contesta.

Monica ta core coy su serbete y tapa su curpa.

 

 

 

 

 

 

 

Monica ta keda cerca mo Pablo despues di school, pasobra e no ta gusta keda su so na cas. Nan ta dal un ronchi den caya y despues ta coy caminda pa cas. Tur merdia Monica ta dal un baño y despues ta bay come. Semper mo Pablo ta bis’e pa no lock e porta, pasobra nunca bo no sa kico por pasa. Pero loke Monica ta haya straño ta cu cada biaha mo Pablo tin cu drenta baño ora e ta baña.

 

 

 

 

 

Monica ta sinta bao palo den cura di Colegio. E ta warda su omo cu semper ta bin busk’e. Toet, toet, ata mo Pablo a yega. Mo Pablo tin 56 aña, ta casa y ta traha anochi so.

“Con bay mi yiu?” mo Pablo ta cuminda, ora Monica subi auto.

“Basta bon, solamente un tiki cansa”, Monica ta contesta.