Caracteristicanan di mayor cu por bay abusa di nan yiu:

      
  •  Mayornan cu tabata tin un hubentud desagradabel. Nan mes tabata
 victima di negligencia y/of abuso. Consecuentemente nan nunca a haya
 e bon ehempel con pa anda cu mucha.
    • 
  
  •  Cierto mayor kier tin yiu pa compensa loke nan a falta den nan
 hubentud. Nan ta spera for di nan yiu e atencion y amor cu nan mes
 no a haya. Ora esaki no sosode e mayor ta tuma venganza riba e mucha.
    • 
  
  •  Cierto mayor no sa tocante e desaroyo fisico y mental di un mucha. Por
 ehempel: laga un mucha chikito bay school na pia, cruza caya su so,
 no durf di duna e mucha responsabilidad, etc.
    • 
  
  •  Mayornan adicto na alcohol of droga no tin tempo suficiente pa duna e
 mucha atencion. Nan ta dedica mas tempo na nan propio problema.
    • 
  
  •  Mayornan hopi hoben ta yega na abuso. Nan mes, hoben ainda, no por
 carga e responsabilidad di tin un yiu.
    • 



Mayor cu un of mas di e caracteristicanan aki no necesariamente 
ta abusa di nan yiu.
						  
Caracteristicanan di mucha cu por bira victima di abuso:

     
  •  Un yiu di afor, un yiu adopta of un yiu di crianza cu e mayor no ta
 acepta of no ta crea un lazo cu e mucha.
    • 
  
  •  Un yiu indesea. Ta hopi dificil pa mayor cu no tabata desea un yiu,
 lanta e mucha cu atencion y cariño.
    • 
  
  •  Un yiu inquieto, un yiu cu no por para keto, cu ta mishi tur caminda,
 cu ta pidi cada biaha atencion, no ta facil, sigur pa mayor cu tin
 problema.
    • 
  
  •  Un yiu mahos. E mayor tabata desea un yiu hopi bunita y fisicamente
 perfecto.
    • 
  
  •  Un yiu handicap cu ta pidi atencion special. Cierto mayor no kier
 acepta un yiu asina.
    • 
  
  •  Un yiu di sexo indesea.
    • 
  
  •  Un yiu cu ta laga e mayor pensa riba un familiar cu e ta odia.
    • 



Mescos cerca mayor, un mucha cu un of mas di e caracteristicanan 
aki no necesariamente mester bira victima di abuso.

Caracteristicanan di famia unda abuso por tuma lugar:

     
  •  Famianan ‘nechi’ unda tur cos ta na ordo y ta exigi obediencia. No ta
 permiti muchanan pa hunga, pa no susha.
    • 
  
  •  Otro banda tin famianan negligente. Mayoria biaha nada ta na ordo y
 muchanan ta pa nan cuenta.
    • 
  
  • · Un of tur dos mayor ta sobrecarga door di embarazo of embarazonan 
  tras di otro.
    • 
  
  •  Problema matrimonial, di relacion, di vivienda y financiero por
 conduci na tension den famia.
    • 
  
  •  Pleito den famia y/of cu bisiña, tension na trabao, desempleo of
 infermedad por trece problema, cu por conduci na abuso di mucha.
    • 



Mescos cerca mayor y mucha, famianan unda tin un of mas di e 
caracteristicanan aki no necesariamente abuso ta tuma lugar.