E monstruo scondi

Sinta dobla

e mucha ta pinta

e monstruo

cu ta torment’e,

murmurando

silabanan

sin nificacion

dje palabranan

cu e monstruo

ta bis’e

den e weganan cruel

cu ta pone

e criatura

hunga cun’e,

 

Na final

su postura

ta bira mas tenso,                                       

e kier tapa e papel

cu su curpa fragil,

tapa e monstruo pinta

pa otro no mir’e

y pa kibocashon

bisa cu e monstruo

ta su propio creashon.

 

Autor: Philomena Wong

 

Illustra pa: Sonia Lemminga