Kico ta abuso emocional di mucha?

Ora un mayor of persona responsabel pa cuido y educacion di mucha ta 
haci’e daño emocionalmente, door di rechaza, corumpi y teroriza e mucha. 
Abuso emocional ta e abuso mas dificil pa reconoce.
Kico abuso emocional ta encera? 

- Rechaza e mucha:

    

  • No duna e mucha muestra di cariño, por ehempel no braz’e, no sunch’e
of no reconoce su abilidadnan.
    • 


 
  Cerca baby:

    

  • Lague pa su cuenta y no reacciona ora e hari, “papia” etc.
    • 



   Cerca mucha entre 1- 5 aña:

    

  • Pon’e un banda.
    • 
 
  • Nengue cualkier intento di acercamento.
    • 
 
  • Lague for di cualkier actividad familiar.
    • 



  Cerca mucha entre 6- 12 aña:

    

  • Constantemente dirigi bo mes na e mucha na un forma negativo, door di
usa palabranan denigrante y di insulto.
    • 
 
  • Haci bofon di su potencial y abilidadnan.
    • 
 
  • Lague sinti cu e ta esun menosprecia den famia.
    • 



  Cerca adolescente entre 13-18 aña:

    

  • Trat’e manera un mucha chikito.
    • 
 
  • Humiy’e verbalmente.
    • 
 
  • Dun’e critica excesivo.
    • 
 
  • Rechaza su grupo di amistad.
    • 
 
  • Sak’e for di famia.
    • 


 
- Corumpi e mucha:

    

  • Crea y sostene comportacion cerca e mucha cu ta induci na
disfuncionamento social permanente.
    • 


 
  Cerca baby:

    

  • Crea adiccion na substancia, por ehempel dun’e pildora di drumi.
    • 
 
  • Induci’e na contacto oral sexual, door cu e tin e tendencia pa chupa.
    • 



Cerca mucha entre 1- 5 aña:

    

  • Stimula comportacion agresivo y sexual, por ehempel recompens’e ora
e dal otro mucha y envolvi’e den actonan sexual.
    • 



Cerca mucha entre 6-12 aña:

    

  • Recompens’e ora e haci algo malo y prohibi, manera bringa, horta, usa
droga y/of alcohol, conducta sexual agresivo.
    • 
 
  • Envolvi’e den actonan sexual.
    • 



   Cerca adolescente entre 13-18 aña:

    

  • Envolvi’e den prostitucion.
    • 
 
  • Recompensa comportacion agresivo y criminal.
    • 
 
  • Induci’e pa trafica of bende droga.
    • 
 
  • Stimula abuso di alcohol.
    • 


  
- Terorisa e mucha:

    

  • Menaza mucha cu castigonan extremo cu ta ocasiona miedo intenso.
    • 
 
  • Exigi demasiado y castiga e mucha ora e no cumpli.
    • 




  Cerca baby:

    

  • Spanta y ter e baby.
    • 
 
  • Mustra un reaccion imprevisibel y extremo riba comportacion di e baby.
    • 




Cerca mucha entre 1-5 aña:

    

  • Haci señanan extremo, por ehempel seña di corta garganta.
    • 
 
  • Usa palabra pa intimid’e, castig’e y menaz’e cu spirito, monster,
auto di sushi etc.
    • 
 
  • Mustr’e cariño falso.
    • 




Cerca mucha entre 6-12 aña:

    

  • Exigencia y emocionnan cu ta cambia continuamente.
    • 
 
  • Forz’e pa scoge entre mama y tata.
    • 
 
  • Reglanan na cas instabil.
    • 
 
  • Critik’e continuamente.
    • 




Cerca adolescente entre 13-18 aña:

    

  • Ridiculiza y rebaha e mucha den publico, por ehempel menaz’e di bay
conta cierto comportacion manera pishi cama.
    • 




Kico por ta señalnan di abuso emocional?

    

  • E mucha mester haci hopi cos na cas; ta explota e mucha di tal
forma cu e mucha ta yega school laat, ta hopi cansa y no por
concentra bon durante les.
    • 
 
  • E mucha tin un comportacion anti-social. E ta cruel cu otro mucha,
ta horta y ta destructivo.
    • 
 
  • E mucha tin un comportacion remarcabel, manera mucho pasivo, mucho
agresivo, ta pidi hopi atencion of ta aleha su mes.
    • 
 
  • Tin fayo den su desaroyo emocional y/of intelectual.
    •