Abuso di mucha tin un efecto enorme riba e mucha. 
Mayoria biaha e mucha lo experiencia e 
consecuencianan pa resto di su bida.

E gravedad di e consecuencianan ta depende di:
 
Edad di e mucha durante e abuso. Mas chikito e mucha ta, mas
influencia e abuso lo tin riba su desaroyo emocional.
  
Duracion di e abuso. Un mucha cu a experiencia abuso of
negligencia continuo lo experiencia mas consecuencia, cu un mucha
cu a experiencia abuso durante un cierto periodo so.
  
Gravedad di e abuso.
  
Resistencia di e mucha. Tin mucha cu por soporta mas cu otro.
  
Ambiente cu ta rondona e mucha. Si e mucha tin un hende cerca
ken e por bay  pa sosten y seguridad, por ehempel un wela/o,
maestro/a of mayor di un amigo, e lo tin menos consecuencia cu
un mucha cu tin ningun hende.



Consecuencia di abuso por ta:
 
Crea un imagen propio hopi negativo cerca e mucha.
  
Desaroyo di poco amor propio, por ehempel pensamento
malo di su mes y e sentimento cu e no ta bal ni sirbi pa nada.
  
Imagen hopi negativo propio door di rechazo di mayor.
  
Muchanan constantemente riba alerta; reserva pa drenta relacionnan
significante.
  
Efecto enorme riba desaroyo emocional di un mucha; no tin
oportunidad pa desaroyo harmonioso.
  
Daño fisico directo manera weso kibra, daño cerebral y daño na
oido. Den casonan extremo por tin heridanan asina grave cu e
mucha por fayece of keda handicap.
  
Retraso den desaroyo, tanto den crecemento como den desaroyo di
idioma.